Eraso!-k hastapenetatik gaurdaino oraindik ere egiten dutena beste askok sinisten ez duten moduan sinisten dutela ziurtatu dezake idazten ari den honek. Entsegu lokalean izan zen behin eta bertako paretak oraindik nola mantentzen diren galdetzen zion bere buruari, nola eusten ote zuten horrenbeste ekaitz eta trumoi. Bapatean bazen aldaketa nabari bat laukoteari begira gelditu zenean, orain gutxi arte baxuaren gorputz pisutsua eusten zuen Amaiur-en tokian Ander (Estigia, Nork ...) ikusten bait zuen eta harriturik gelditu zen beste hirukoteari nola itsasi eta bateratu zitzaion ikustean betidanik eurekin egon balitz bezala.